Երկար տարիների աշխատանքի արդյունքում կազմակերպությանը հաջողվել է աչքի ընկնել իր թափանցիկ, բաց և նվիրյալ աշխատանքով: Այն հաստատել է կայուն համագործակցություն սեռական առողջության և մարդու իրավունքների պաշտպանության բնագավառում գործող տեղական և միջազգային կազմակերպությունների հետ:

scnhrdՓԻՆՔ Արմենիան հանդիսանում է Հարավկովկասյան իրավապաշտպանների ցանցի անդամ, որը միավորում է 30 իրավապաշտպան հասարակական կազմակերպությունների Հայաստանից, Ադրբեջանից և Վրաստանից: Ցանցը ձգտում է Հարավային Կովկասում օժանդակել իրավապաշտպանների համար անվտանգ և նպաստավոր միջավայրի ստեղծմանը և ամրապնդել նրանց ձայները տարածաշրջանում և միջազգային ասպարեզում:

HRHY logo yellowՓԻՆՔ Արմենիան նաև Հյուման ռայթս հաուս Երևանի հիմնադիրներից է: Այս կառույցը միավորում է մարդու իրավունքների պաշտպանությամբ զբաղվող 11 կազմակերպությունների` նպատակ ունենալով ստեղծել «մեկ պատուհան» ծառայություններ շահառուների համար, և այսպիսով չեզոքացնել այն բարդությունները, որ այցելուները կարող են ունենալ իրենց իրավունքները պաշտպանելու համար աջակցություն և ծառայություններ ստանալիս:

CSVW2010 թվականին յոթ ՀԿ-ներ, ներառյալ ՓԻՆՔ Արմենիան, կազմավորեցին Ընդդեմ կանանց նկատմամբ բռնության կոալիցիան, որը ձևավորվեց ընտանեկան բռնության զոհ` քսանամյա Զարուհի Պետրոսյանի ողբերգական մահվան կապակցությամբ: Կոալիցիայի գործունեության շրջանակներում ՓԻՆՔ Արմենիան ջանում է պաշտպանել կանանց իրավունքները և վերջ տալ ընտանեկան բռնությանը, ինչպես նաև ջատագովում է «Ընտանեկան բռնության կանխարգելման մասին» օրենքի ընդունումը Հայաստանում:

ARGAՀայաստանում սեռական առողջության, ՄԻԱՎ/ՁԻԱՀ-ի և մարդու իրավունքների պաշտպանության հիմնահարցերով զբաղվող մի շարք կազմակերպությունների հետ ակտիվ համագործակցության շնորհիվ «Հանրային տեղեկատվություն և գիտելիքի կարիք» ՀԿ-ն իրականացրել է տարաբնույթ հանրային և հասարակական միջոցառումներ և´ Երևանում, և´ Հայաստանի տարածաշրջաններում: Գործընկերների միջև նման ամուր համագործակցությունը հիմք հանդիսացավ ՁԻԱՀի խնդրի ջատագովության և հետազոտության խմբի ստեղծման համար: Դրա նախաձեռնողներն են «Հանրային տեղեկատվություն և գիտելիքի կարիք», «Իրական աշխարհ, իրական մարդիկ», «Կանանց ռեսուրսային կենտրոն» և «Դրական մարդկանց հայկական ցանց» ՀԿ-ները: Խումբը նպատակ ունի նախաձեռնել համատեղ գործողություններ խոցելի խմբերի իրավունքների պաշտպանության և իրավունքների ջատագովման համար, ինչպես նաև սևեռել հանրային ուշադրությունը սեռական առողջության խնդիրների վրա:

header_left_aaeՄեր կազմակերպությունը հանդիսանում է նաև ՁԻԱՀի Եվրոպական շարժման անդամ, որը հինադրվել է 2004 թ-ին և դարձել է ՄԻԱՎ-ին առնչվող տարածաշրջանային ամենամեծ ցանցերից մեկը: Այս ցանցը անցնում է Եվրոպայի Միության սահմաններից այն կողմ և ընդգրկում է 53 երկրներ Եվրոպայում և Կենտրոնական Ասիայում: Ցանցի առաքելությունն է Եվրոպայում և Կենտրոնական Ասիայում միավորել քաղաքացիական հասարակությանը ՄԻԱՎ-ին առավել արդյունավետ հակազդելու նպատակով: Ցանցի անդամներ են հանդիսանում մոտավորապես 400 բազմապիսի հասարակական կազմակերպություններ, ազգային ցանցեր, ՁԻԱՀ-ի խնդրի առնչությամբ ծառայություններ մատուցող կազմակերպություններ, ակտիվիստներ և ՄԻԱՎ-ով ապրող մարդկանց համայնքային խմբեր:

2012-2015թթ. ՓԻՆՔ-ը եղել է ՄԻԱՎ/ՁԻԱՀ-ի, տուբերկուլոզի և մալարիայի դեմ ուղղված միջոցառումները համակարգող հանձնաժողովի (ՄՀՀ) անդամ:Միջոցառումների համակարգող հանձնաժողովը կենտրոնական նշանակություն ունի Գլոբալ Հիմնադրամների գործունեության և որոշումների կայացման գործընթացում: Միջոցառումների համակարգող հանձնաժողովում ներգրավված են ինչպես հանրային, այնպես էլ մասնավոր սեկտորից ներկայացուցիչներ, կառավարությունից ներկայացուցիչներ, հասարակական կազմակերպություններ, ակադեմիական ինստիտուտներ, մասնավոր սեփականատերեր, ինչպես նաև տվյալ հիվանդություններով ապրող անձինք:

2012թ-ից ՓԻՆՔ-ը նաև ՀՀ Առողջապահության նախարարության ՁԻԱՀի կանխարգելման հանրապետական կենտրոնի էթիկայի կոմիտեի անդամ է: Կազմակերպության իրավաբանը հանդիսանում է կոմիտեի փոխնախագահը:

2011 թ. ՓԻՆՔ Արմենիան միացավ Հոմոֆոբիայի դեմ պայքարի տարածաշրջանային ցանցին: Այն նպատակ է հետապնդում ստեղծել ԼԳԲՏ ցանց հոմոֆոբիայի դեմ պայքարի համար, որը կներառի միջին ասիական, կովկասյան և բալկանյան երկրներ: Ցանցի նպատակն է տարածաշրջանում ապահովել հասարակական, մշակութային և քաղաքական կյանքի մի մակարդակ, որի պարագայում ԼԳԲՏ մարդիկ կարող են ինքնարտահայտվել և ապրել առանց թաքնվելու: Ավելին, Ցանցը նպատակ է հետապնդում տարածաշրջանային միասնականության միջոցով ԼԳԲՏ անձանց և գործող կազմակերպություններին առավել զորացնել: Այն նաև փորձում է հասնել ԶԼՄ-ների կողմից ատելություն տարածող և ազգայնականություն բորբոքող, խտրական, ռազմատենչ, սեքսիստական և հոմոֆոբ լեզվի փոփոխմանը, և խաղաղասեր ԶԼՄ-ների զարգացմանը:

ilgalogo2011թվականից ՓԻՆՔ Արմենիան ԻԼԳԱ և ԻԼԳԱ Եվրոպա ցանցերի անդամ է: ԻԼԳԱ-ն 110 երկրների 1100 անդամ կազմակերպությունների ֆեդերացիա է, որը պայքարում է լեսբի, գեյ, բիսեքսուալ, տրանս և ինտերսեքս անձանց իրավունքների համար 1978թ-ից սկսած ամբողջ աշխարհում: ԻԼԳԱԵվրոպան աշխատում է լեսբի, գեյ, բիսեքսուալ, տրանս և ինտերսեքս (ԼԳԲՏԻ) անձանց իրավունքների և հավասարության համար Եվրոպա աշխարհամասում: ԻԼԳԱ-Եվրոպան պաշտպանում և ներկայացնում է ԼԳԲՏԻ անձանց իրավունքները և խնդիրները այնպիսի եվրոպական կազմակերպություններում, ինչպիսք են Եվրոպական Միությունը (ԵՄ), Եվրոպայի Խորհուրդը (ԵԽ), Եվրոպայում անվտանգության և համագործակցության կազմակերպությունը (ԵԱՀԿ):

logo2013թ-ի հոկտեմբերից ՓԻՆՔ Արմենիան Յունայթեդ ցանցի անդամ է: Այն եվրոպական ցանց է, որը պայքարում է նացիոնալիզմի, ռասիզմի և ֆաշիզմի դեմ` պաշտպանելու միգրանտների և փախստականների իրավունքները: Յունայթեդը համակարգում, աջակցում և հզորացնում է ցանցի անդամ 560 կազմակերպությունների գործունեությունը եվրոպական 46 երկրներից: Ցանցի անդամ կազմակերպությունները միմյանց հետ կիսում են այնպիսի արժեքներ, ինչպիսիք են միջազգային հաղորդակցությունը, բազմազանությունը և մարդու իրավունքները: Յունայթեդն աշխատում է այնպիսի խնդիրների շուրջ, ինչպիսիք են ուղղակի և անուղղակի խտրականությունը, ատելության հիմքով հանցագործությունները և անհանդուրժողականությունը և կարևորում է միջմշակութային հաղորդակցությունը, հավասար իրավունքները բոլորի համար: