IDAHOBIT շաբաթ
Ամեն տարի մայիսի 17-ին նշվում է Հոմոֆոբիայի, բիֆոբիայի և տրանսֆոբիայի դեմ պայքարի միջազգային օրը, անգլերենով՝ IDAHOBIT, International Day Against Homophobia, Biphobia and Transphobia։ Այն սկսել են նշել 2005թ․-ից՝ մի շարք իրավապաշտպան կազմակերպությունների նախաձեռնությամբ։ Օրվա նպատակը ԼԳԲՏ անձանց նկատմամբ խտրականության և բռնության մասին իրազեկվածությունը բարձրացնելն է։
2022 թ․ հանրային միջոցառումների և արշավի մասին տեղեկացեք ստորև։
IDAHOBIT շաբաթվա մեկնարկը
մայիսի 16
Փինքը պատրաստել է իր ռազմավարական դատավարությունների մասին մի տեսահոլովակ՝ «Անպատժելիության 10 տարին» վերնագրով, որն անդրադառնում է կազմակերպության կողմից վարվող երեք ռազմավարական դատավարությունների ընթացքին։
IDAHOBIT-ի պատմությունը Հայաստանում
մայիսի 17
Այս տարի Փինքը պատրաստել է մի տեսահոլովակ, որում ներկայացվում է Հայաստանում IDAHOBIT-ի պատմությունը՝ սկսած 2010թ․-ից մինչ օրս։ Հոլովակում ներկայացված են կադրեր այն միջոցառումներից, որոնք ամեն տարի IDAHOBIT-ի շրջանակներում կազմակերպվում են Փինքի կողմից։
Տարեկան զեկույցի հրապարակում
մայիսի 18
Փինքը կհրապարակի «ԼԳԲՏ անձանց մարդու իրավունքների վիճակը Հայաստանում 2021 թ. ընթացքում» զեկույցը, որտեղ ամփոփված են 2021 թ.-ի ընթացքում կազմակերպության կողմից արձանագրված մարդու իրավունքների խախտումները՝ զուգորդված սեռական կողմնորոշման և գենդերային ինքնության հիմքով խտրականությամբ։
«Անպատժելիության 10 տարին» միջոցառման լուսաբանում
մայիսի 19
IDAHOBIT շաբաթվա շրջանակներում կազմակերպվում է «Անպատժելիության 10 տարին» կլոր-սեղան քննարկումը շահագրգիռ կողմերի հետ։ Միջոցառման մասին պատմող տեսանյութը և հարղորդագրությունը կհրապարակվի հաջորդիվ։
ՄԻԵԴ վճիռը՝ DIY ակումբի գործով
մայիսի 17
