Ծառայություններ

Փինք Արմենիայում իրավաբանական ծառայությունները տրամադրվում են՝ սեռով, գենդերով, սեռական կողմնորոշմամբ, գենդերային ինքնությամբ (այսուհետ՝ ՍԿԳԻ) և/կամ արտահայտմամբ և այլ հատկանիշներով պայմանավորված խտրականությունից, ատելության խոսքից և դրանց հիմքով կատարված հանցագործությունների դեպքում տուժած անձանց։

Իրավաբանական ծառայության գործառույթները ներառում են․

• Իրավաբանական խորհրդատվություն,
• Փաստաթղթերի կազմում,
• Ներկայացուցչություն դատարանում, ոստիկանությունում, այդ թվում՝ քրեական գործերով պաշտպանություն,
• Ներկայացուցչություն պետական և մասնավոր կառույցներում և այլն։

• Քրեական իրավահարաբերություններ, մասնավորապես՝
  • ՍԿԳԻ հիմքով խտրականության դրսևորման դեպքում,
  • ՍԿԳԻ հիմքով ֆիզիկական, հոգեբանական, տնտեսական, սեռական բռնության դեպքերում,
  • ՍԿԳԻ հիմքով ատելության խոսքի, բռնության կոչերի հնչեցման դեպքերում,
  • ՍԿԳԻ հիմքով զորակոչի և զինվորական ծառայության ընթացքում առաջացած խտրականության հետ կապված հարցերով կամ այլ դեպքերում,
• Ընտանեկան բռնության դեպքում,
• Վարչական իրավահարաբերություններ, մասնավորապես՝
  • պետական և տեղական ինքնակառավարման մարմինների՝ խտրական դրույթներ պարունակող ակտերի հարցերով,
• Քաղաքացիական իրավահարաբերություններ,
• Առողջապահական իրավահարաբերություններ, մասնավորապես՝
  • Բուժօգնություն ստանալիս ՍԿԳԻ հիմքով խտրականության դրսևորման դեպքում,
  • ՍԿԳԻ հիմքով բուժօգնություն չտրամադրելու կամ ոչ պատշաճ տրամադրելու դեպքում,
  • Անձնական տվյալների պաշտպանության, այդ թվում՝ բժշկական գաղտնիքի, մասնավոր կյանքի անձեռնմխելիության խախտման դեպքում,
  • ՄԻԱՎ-ի հիմքով բուժօգնության չտրամադրման կամ այլ դեպքերում,
• Աշխատանքային իրավահարաբերություններ, մասնավորապես՝
  • ՍԿԳԻ հիմքով աշխատավայրում խտրականության դրսևորման,
  • ՍԿԳԻ հիմքով աշխատանքային իրավունքների խախտման կամ այլ դեպքերում:

Փաստաբանական ներկայացուցչություն իրականացվում է միայն խտրականությամբ զուգորդված իրավախախտումների դեպքերում։

Փինք Արմենիայում սոցիալական աշխատողի ծառայությունները տրամադրվում են ԼԳԲՏ անձանց, ԼԳԲՏ անձանց ծնողներին և ընտանիքի անդամներին՝ խթանելու նրանց սոցիալական բարեկեցությունը։ Սոցիալական աշխատողը նպաստում է մարդկային փոխհարաբերություններում առկա հիմնախնդիրների հաղթահարմանը և մարդկանց ներուժի ու կարողությունների զարգացմանը, սոցիալական փոփոխություններին: Սոցիալական աշխատողը արձագանքում է ճգնաժամերին, արտակարգ իրավիճակներին, ինչպես նաև առօրյա անհատական և սոցիալական հիմնախնդիրներին:

Սոցիալական աշխատողի գործառույթները ներառում են․

• Խորհրդատվություն,
• Մասնագիտական աջակցություն կամ միջամտություն անհրաժեշտության դեպքում,
• Ուղղորդում այլ մասնագետների (օր․՝ իրավաբան, հոգեբան) և/կամ այլ հաստատություններ՝ ըստ անհրաժեշտության:

• Ընտանեկան հարաբերություններ, մասնավորապես՝
  • ՍԿԳԻ հիմքով ընտանեկան բռնության և ընտանեկան կոնֆլիկտների դեպքում,
• Միջանձնային հարաբերություններ, մասնավորապես՝
  • Սոցիալական միջավայրում՝ այլ անձանց կամ պետական և ոչ պետական մարմինների հետ շփումներում առկա խնդիրների դեպքում,
  • Աշխատաշուկայում առկա իրավիճակի վերաբերյալ աջակցություն կարիերայի զարգացման կամ աշխատանքի ընդունման դեպքում,
  • Սոցիալական և կյանքի հմտություններրի զարգացման ուղղությամբ, օրինակ՝ կենցաղավարում, ֆինանսների տնօրինում և այլն,
• Ներանձնային հարաբերություններ, մասնավորապես՝
  • Ներանձնային կոնֆլիկտների դեպքում,
  • Ինքնաընդունման դժվարությունների, ներքին խարանի դեպքում,
• Սեռական առողջության և սեռական ճանապարհով փոխանցվող վարակների վերաբերյալ խորհրդատվություն,
• ՍԿԳԻ հիմքով բռնության և խտրականության ենթարկվելու դեպքեր:

Փինք Արմենիայում հավասարը հավասարին ծառայությունը տրամադրվում է համայնքային պատասխանատուի կողմից։ Այն որոշակի ոլորտի վերաբերյալ փորձի, գիտելիքների, հմտությունների փոխանցումն է կազմակերպության շահառուներին՝ խորհրդատվության միջոցով։ Հավասարը հավասարին ծառայության նպատակն է ԼԳԲՏ համայնքի ներկայացուցիչների իրավագիտակցության բարձրացումը, կրթումը և զորեղացումը՝ միջոցառումների, քննարկումների կազմակերպման, խորհրդատվության միջոցով՝ խմբային և անհատական մեթոդներով։ Այն ապահովում է կապը համայնքի և «Փինք» իրավապաշտպան ՀԿ-ի հետ:

Համայնքային պատասխանատուի գործառույթները ներառում են․

• Խորհրդատվություն, փորձի փոխանցում,
• Աջակցություն ինքնազարգացմանը և առկա խնդիրների լուծմանը,
• Ուղղորդում այլ մասնագետների (օր․՝ իրավաբան, հոգեբան) կամ այլ հաստատություններ՝ ըստ անհրաժեշտության:

• ՍԿԳԻ հիմքով բռնության դրսևորումների դեպքերում, մասնավորապես՝
  • Բուլիինգի, ատելության խոսքի, ֆիզիկական բռնության հարցեր,
  • Բռնության հետևանքների հաղթահարման աջակցություն,
• Սեռական առողջ հարաբերությունների և սեռական առողջության հարցեր, մասնավորապես՝
  • Սեռական առողջության և առողջ հարաբերությունների մասին,
  • Սեռական առողջության հարցերով զբաղվող պետական կառույցների և հասարակական կազմակերպությունների գործունեության վերաբերյալ խորհրդատվություն,
• Սթրեսի և ժամանակի կառավարման հարցեր,
• Միջանձնային, ընտանեկան կոնֆլիկտների դեպքում, մասնավորապես՝
  • ՍԿԳԻ հիմքով ընտանեկան բռնության խնդիրներ,
  • Միջանձնային հարաբերությունների բարելավում և կոնֆլիկտների հարթում,
  • Բռնության դեպքում ապահով միջավայրի տրամադրում,
  • Աութինգ,
• Հմտությունների զարգացման հարցեր,
• Աշխատանք գտնելու և կարիերայի առաջխաղացման հարցեր, մասնավորապես՝
  • Աջակցություն CV և մոտիվացիոն նամակ գրելու հարցում,
  • Աշխատավայրում միջանձնային հարաբերությունների կարգավորմանան հարցում:

Հոգեբանական խորհրդատվության հիմնական նպատակն է տրամադրել այցելուին օպերատիվ հոգեբանական աջակցություն: Այն ուղղված է անձի հոգեբանական բարեկեցիկ վիճակի, այցելուի հոգեբանական խնդիրների համար այն պայմանների ապահովմանը, որոնց շնորհիվ այցելուն կկարողանա բացահայտել և գիտակցել նոր հնարավորություններ իր հոգեբանական խնդիրների լուծման ճանապարհին։ Փինք Արմենիայում հոգեբանական խորհրդատվությունը տրամադրվում է ԼԳԲՏ անձանց, նրանց ծնողներին և համախոհներին:

Կախված այցելուի հայցից՝ հոգեբանական խորհրդատվության նպատակներ կարող են լինել՝

• Այցելուին՝ իր խնդրի իրական պատճառը հասկանալուն աջակցելը/օգնելը,
• Այցելուի վարքի փոփոխությանը նպաստելը,
• Խնդիրների և դժվարությունների լուծման հմտությունների ձեռքբերումը,
• Հուզական հավասարակշռության ձեռքբերումը,
• Ազատումը տարբեր բարդույթներից և սեփական ռեակցիաները կառավարելու ձգտումը,
• Ներդաշնակության ձեռքբերումը իր անձի և շրջապատի հետ,
• Միջանձնային փոխհարաբերությունները ստեղծելու և պահպանելու հմտության զարգացումը,
• Ինքնավստահության և դրական ինքնազգացողության ձեռքբերումը։

Փինքի հոգեբանները աշխատում են թե՛ անհատապես և թե՛ զույգերի հետ։ Մասնագետները խորհրդատվություն կարող են տրամադրել նաև անգլերենով, ռուսերենով և պարսկերենով:

• Ինքնընդունում.
  • Սեռական կողմնորոշման և/կամ գենդերային ինքնության ճանաչում և ընդունում,
  • Ցածր ինքնագնահատական և անինքնավստահություն,
  • Ներքին խարանի հետ առնչություն,
• Քամինգ աութ (Coming Out).
  • Քամինգ աութի դեպքում,
  • Աութինգի (Outing) հետևանքով,
  • Անվտանգության զգացման պակասի դեպքում առաջացած հոգեբանական խնդիրների հետ աշխատանք,
• Սեռական կողմնորոշման և/կամ գենդերային ինքնության (ՍԿԳԻ) հիմքով.
  • Խտրականության դրսևորման հետևանքով,
  • Հոգեբանական, սեռական, ֆիզիկական, տնտեսական բռնության դեպքերում,
  • Ատելության խոսքի, բռնության կոչերի հնչեցման հետևանքով,
  • Անվտանգության զգացման պակասի դեպքում առաջացած հոգեբանական խնդիրների հետ աշխատանք,
• Ընտանեկան բռնություն,
• Վախեր, տրավմաներ, կորուստներ.
  • Տարբեր տեսակի վախեր ու ֆոբիաներ,
  • Տարբեր տարիքում ապրած տրավմաներ և խնդիրներ (այդ թվում՝ հետսթրեսային վիճակ),
  • Կորուստի վերապրման հետ կապված խնդիրներ,
• Միջանձնային փոխհարաբերություններ.
  • Կոնֆլիկտային իրավիճակներ (նաև ներանձնային կոնֆլիկտների հետ աշխատանք),
  • Խնդիրներ ծնողների և բարեկամների հետ հարաբերություններում,
  • Խնդիրներ զուգընկեր-ոջ/ուհու հետ հարաբերություններում,
  • Շփման խնդիրներ (շփման հմտությունների զարգացում),
• Էքզիստենցիալ խնդիրներ.
  • Կյանքի իմաստի կորուստ և փնտրտուք,
  • Աշխատանք մահվան թեմաների հետ,
  • Միայնության զգացում,
• Ներդաշնակության ձեռքբերում և անձնային աճ: