Skip to content Skip to footer

Վերջ անհավասարությանը

Բազմաթիվ մարդիկ ամբողջ աշխարհում մարտի մեկին համախմբվում են նշելու «Զրո խտրականության օրը»։ ՄԱԿ-ը առաջին անգամ նշեց այդ օրը 2014 թվականին այն բանից հետո,…

Անհանդուրժողականության և խտրականության բոլոր ձևերի դեմ պայքարին նվիրված ԵԱՀԿ ժողով

Այսօր Փինքի ներկայացուցիչ Լուիզա Վարդանյանը մասնակցել է ԵԱՀԿ-ի Մարդկային չափման լրացուցիչ հանդիպմանը, որը նվիրված էր անհանդուրժողականության և խտրականության բոլոր ձևերի դեմ պայքարին: Մենք…

Ատելությունը նույնպես «վիրուս» է

Տրանսգենդեր կնոջը մոտեցել են Հյուսիսային պողոտայում և ասել «եթե դու կին ես, ապացուցիր. իջեցրու կիսաշրջազգեստդ», այնուհետև հարվածել են, իսկ միջադեպից հետո համացանցում տարածվել…

ԼԳԲՏԻ մարդու իրավունքների իրավիճակը Հայաստանում 2019-ին․ ԱՄՆ պետքարտուղարություն

ԱՄՆ պետքարտուղարության Ժողովրդավարության, մարդու իրավունքների և աշխատանքի բյուրոն վերջերս հրապարակել է Հայաստանում մարդու իրավունքների վերաբերյալ զեկույցը, որը նկարագրում է ՀՀ-ում մարդու իրավունքների վիճակը…

HRW. Հայաստանում ԼԳԲՏ մարդիկ հաճախ են հանդիպում խտրականության եվ բռնությունների

«Հյումն ռայթս ուոթչ» միջազգային կազմակերպության կողմից հրատարակվել է 2020թ-ի Համաշխարհային տարեկան զեկույցը։ Այն ամփոփում է ողջ աշխարհում մարդու իրավունքների իրադրությունը: Զեկույցում ներառված են…

Այս տարի արձանագրվել է խտրականությամբ զուգորդված ՍԿԳԻ հիմքով դեպքերի աճ

2019թ. 1-ին կիսամյակում՝ հունվարից հունիս ամիսների ընթացքում, «Փինք» իրավապաշտպան ՀԿ-ն արձանագրել է սեռական կողմնորոշման և/կամ գենդերային ինքնության (ՍԿԳԻ) հիմքով պայմանավորված խտրականությամբ զուգորդված իրավախախտումների…

Հրապարակվել են 3 նոր զեկույցներ

Մայիսի 15-ին Մարդու իրավունքների տուն Երևանում ներկայացրեցինք մեր 3 նոր զեկույցները։ Այս միջոցառումը կազմակերպվել է IDAHOT շաբաթվա շրջանակներում՝ մայիսի 17-ի՝ Հոմոֆոբիայի, տրանսֆոբիայի և…

Ապրիլի 12-ը՝ Լռության օր

Լռության օրվա գաղափարը սկիզբ է առել 1996թ․, երբ ԱՄՆ-ում Վիրջինիա համալսարանի ուսանողուհի Մարիա Պալզետին նախաձեռնեց միջոցառում՝ ԼԳԲՏ ուսանողների նկատմամբ բռնությունը և նվաստացումը ավելի…

Նաիրա Զոհրաբյանի արձագանքը խտրական էր

Ապրիլի 5-ին ԱԺ «Մարդու իրավունքների պաշտպանության և հանրային հարցերի» մշտական հանձնաժողովի նախաձեռնությամբ տեղի ունեցավ ՄԱԿ-ի մարդու իրավունքների համընդհանուր պարբերական դիտարկման վերաբերյալ քննարկում, որին…

Ատելության խոսքը հայկական մեդիայում․ Հայաստանի Հելսինկյան կոմիտեի զեկույցը

Հայաստանի հելսինկյան կոմիտեն հրապարակել է զեկույց, որում ներկայացված են հայկական լրատվամիջոցների հրապարակած նյութերի մոնիթորինգի արդյունքները՝ ատելության խոսքի սփռման տեսանկյունից։ Կազմակերպությունը մշտադիտարկել է հայկական իրականության…

Տեղի է ունեցել ՄԻԱՎ-ի խնդիրներին նվիրված «ՄԻԱՎորենք ջանքերը» համաժողովը

Հոկտեմբերի 2-ին ՄԻԱՎ-ի հակազդման ազգային կոնսորցիումը, որի կազմում են «Իրական աշխարհ, իրական մարդիկ» ՀԿ-ը, «Ներուժ զարթոնքի» ՀԿ-ը և «Հանրային տեղեկատվություն և գիտելիքի կարիք» ՀԿ-ը (Փինք Արմենիա), ՁԻԱՀ-ի կանխարգելման հանրապետական կենտրոնում կազմակերպեցին «ՄԻԱՎորենք ջանքերը» ազգային համաժողովը, որի նպատակն էր Հայաստանում ՄԻԱՎ-ով ապրող անձանց և ՄԻԱՎ-ի նկատմամբ առավել վտանգի ենթարկվող բնակչության խնդիրների վերհանումը և դրանց լուծման ուղիների որոնումը: Միջոցառմանը ներկայացվել է հետազոտություններ, միջազգային և տեղական փաստաթղթերի ուսումնասիրություններ, մասնավորապես, «ՄԻԱՎ-ով ապրող մարդկանց, ԼԳԲՏ անձանց և ԹՆՕ-ների նկատմամբ հասարակական կյանքի տարբեր ոլորտներում խտրականության դրսևորումների ուսումնասիրություն», «ՄԻԱՎ/ՁԻԱՀ-ի հակազդման քաղաքականություններում և ծրագրերում գենդերային զգայուն չափորոշիչների ներդրման հնարավորությունը Հայաստանում» զեկույցները։ 2018թ․ Հայաստանում 296-ով ավելացել է ՄԻԱՎ վարակ ունեցողների գրանցված թիվը։ 1988թ․ մինչև 2018թ օգոստոսի 31-ը Հայաստանում գրանցվել է 3204 ՄԻԱՎ-ով ապրող մարդ, որոնց գերակշռող մասը՝ 69%-ը (2222), տղամարդ է։  Հայաստանում ՄԻԱՎ-ը ամենաշատը փոխանցվում է հետերոսքուալ սեռական հարաբերությունների միջոցով՝ 69%, այնուհետև՝ ներարկային՝ 29%, իսկ հոմոսեքսուալ ճանապարհով փոխանցվելու դեպքերը 4% են կազմում։ Հանդիպմանը մասնակցել են պետական, միջազգային և տեղական կառույցների ներկայացուցիչներ, ինչպես նաև ՄԻԱՎ-ով ապրող մարդիկ։ Հանդիպմանը նաև ներկայացվել է ՄԻԱՎ-ով ապրող մարդկանց նկատմամբ վերաբերմունքը արտահայտող սոցիալական փորձարկում, որը կարող եք դիտել ստորև։

Զեկույց․ ԼԳԲՏ անձանց մարդու իրավունքների իրավիճակը, 2017թ․

«ԼԳԲՏ անձանց մարդու իրավունքների իրավիճակը Հայաստանում, 2017թ.» զեկույցն ամփոփում է 2017թ. Փինք Արմենիայի արձանագրած և փաստաթղթավորած դեպքերը, ԼԳԲՏ անձանց հետ անցկացրած հարցազրույցների արձանագրությունները,…

Պահանջում ենք ատելության հիմքով հանցագործությունների արդար եւ արդյունավետ քննություն

Մենք՝ ներքոստորագրյալ կազմակերպությունների ներկայացուցիչներս, մեր մտահոգությունն ենք հայտնում Հայաստանում սեռական կողմնորշմամբ եւ գենդերային ինքնությամբ պայմանավորված ատելության հիմքով հանցագործությունների ոչ արդյունավետ քննության եւ անպատժելիության փաստի առթիվ։ Մեկ ամսվա ընթացքում Երևանում տեղի է ունեցել ԼԳԲՏ անձանց հանդեպ ատելության հիմքով երկու աղմկահարույց հանցագործություն, որի արդյունքում տուժողները ստացել են մարմնական վնասվածքներ։ Փետրվարի 27-ին իր բնակարանում ծեծել էին տրանսգենդեր անձի, ապա այրվել էր վերջինիս տունը։ Արդյունքում տուժողը մարմնական վնասվածքներով տեղափոխվել էր հիվանդանոց և դեպքից միայն 4 օր անց գիտակցության եկել։ Ապրիլի 1-ին՝ ժամը 19։40-ի սահմաններում, Երևանի կենտրոնում՝ Կոնգրես հյուրանոցի մոտ, 35-ամյա տղամարդը դանակահարել է 15-ամյա տղայի՝ համարելով, որ նա նույնասեռական է։ Տղան տեղափոխվել է հիվանդանոց՝ «Կրծքային և գոտկային ծակած վերք» ախտորոշմամբ։ Երկու դեպքում էլ մեղադրվող անձինք Հայաստանից չհեռանալու ստորագրության դիմաց ազատ են արձակվել։ Այս հանցագործությունները իրավապահ մարմինների անտարբերության, պետական պաշտոնյաների ատելության քարոզի և դատական համակարգի կամայական որոշումների հետևանքներն են, որի պատճառով ատելությամբ լցված Հայաստանի որոշ քաղաքացիներ կարծում են, թե լեսբի, գեյ, բիսեքսուալ, տրանսգենդեր և նրանց հետ ասոցացվող անձանց նկատմամբ վարքն օրենքի կարգավորման շրջանակներից դուրս է, և կարող են վարվել այնպես, ինչպես իրենց երևակայությունն է թելադրում, ու մնալ առանց պատժի։ Ավելին, ոստիկանությանը բազմիցս ներկայացվել են դիմումներ սոցիալական մեդիայում ԼԳԲՏ անձանց սպանելու կոչերի ու ցանկությունների վերաբերյալ, նրանց հասցեին ուղղված սպառնալիքներն ու կատարված հանցագործությունների մասին վկայող գրառումներ։ Այդուհանդերձ, բոլոր ներկայացված դիմումները մնացել են առանց քննության՝ հանցակազմի բացակայության կամ տուժող չհայտնաբերելու պատճառաբանություններով։ Սոցիալական մեդիայի այդ գրառումներում երևում է ԼԳԲՏ անձանց դեմ հանցագործություններ կատարելու ցանկությունները, իսկ հանցագործություն կատարածներին հերոսացնում են, ինչն ապացույցն է այն բանի, որ ատելության քարոզը, պետության անգործությունը վտանգում են ԼԳԲՏ և նրանց հետ ասոցացվող քաղաքացիների կյանքը մեր երկրում։ Ուստի մենք ՀՀ իրավապահ մարմիններից  պահանջում ենք՝
  • իրականացնել գործերի բազմակողմանի, լրիվ և օբյեկտիվ քննություն՝ առաջնորդվելով օրենքի առաջ բոլորի հավասարության սկզբունքով եւ ապահովելու համար յուրաքանչյուրի արդար դատաքննության իրավունքը,
  • մեղավորներին ենթարկել պատասխանատվության օրենքով սահմանված կարգով,
  • ներդնել եւ վարել պատշաճ վիճակագրություն՝ ատելության հիմքով հանցագործությունների վերաբերյալ,
  • ձեռնարկել համապատասխան միջոցներ՝ կանխարգելելու համար սեռական կողմնորոշմամբ եւ գենդերային ինքնությամբ պայմանավորված իրավախախտումները,
  • հետամուտ լինել ատելություն եւ թշնամանք սերմանող խոսքի բացառմանը։
«Հանրային տեղեկատվություն եւ գիտելիքի կարիք» ՀԿ «Նոր Սերունդ» Մարդասիրական ՀԿ «Իրական աշխարհ, իրական մարդիկ» ՀԿ «Հասարակություն առանց բռնության» ՀԿ «Իրավական նախաձեռնությունների կենտրոն»​ իրավապաշտպան ՀԿ «Բեկում» ՀԿ «Կանանց ռեսուրսային կենտրոն» ՀԿ «Կանանց աջակցման կենտրոն» ՀԿ Հելսինկյան քաղաքացիական ասամբլեայի Վանաձորի գրասենյակ Բաց հասարակության հիմնադրամներ-Հայաստան Մեդիա նախաձեռնությունների կենտրոն Ժուռնալիստների «Ասպարեզ» ակումբ Երեւանի մամուլի ակումբ Հյուման ռայթս հաուս Երեւան «Կանանց իրավունքների կենտրոն» ՀԿ «Դիսըբիլիթի ինֆո» ՀԿ «Սպիտակի Հելսինկյան խումբ» իրավապաշտպան ՀԿ «Խաղաղության երկխոսություն» ՀԿ «Սեռական բռնության ճգնաժամային կենտրոն» ՀԿ «Իմ իրավապաշտպանը» ՀԿ Հայաստանի Հելսինկյան կոմիտե «Ազատ քաղաքացի» ՔՆԱԿ «Լրագրողներ հանուն մարդու իրավունքների» ՀԿ «Իրավունքի ուժ» ՀԿ «Հելսինկյան ասոցիացիա» իրավապաշտպան ՀԿ Խտրականության դեմ պայքարի եւ հանուն հավասարության կոալիցիա Ընդդեմ կանանց նկատմամբ բռնության կոալիցիա «Մարդու իրավունքների հետազոտությունների կենտրոն» ՀԿ «Իրավունքների պաշտպանություն առանց սահմանների» ՀԿ «Քալրֆուլ Հաուս»սոցիալ-մշակութային  և իրավապաշտպան ՀԿ «ԷկոԼուր» տեղեկատվական ՀԿ Թրանսփարենսի Ինթերնեշնլ հակակոռուպցիոն կենտրոն