1917թ․ բոլշևիկյան հեղափոխությունից հետո Ռուսաստանի գեյերը մի շարք ազատություններ ստացան։ Վերացվեց «արվամոլության» մասին օրենքը, որով նույնասեռական հարաբերություններ ունեցողները դատապարտվում էին ազատազրկման, և նման…
Մարդու իրավունքների եվրոպական դատարանը (ՄԻԵԴ) հունիսի 20-ին բավարարել է Բաևի և այլոց հայցն ընդդեմ Ռուսաստանի Դաշնության։
Նիկոլայ Բաևը, Ալեքսեյ Կիսիլյովը և Նիկոլայ Ալեքսեևը…
ԼԳԲՏ հավասարության արևելյան կոալցիան խորապես մտահոգված է Չեչնիայում ԼԳԲՏ անձանց մարդու իրավունքների կոպիտ խախտումներով։ Մենք նաև մտահոգված ենք իշխանությունների արձագանքի բացակայությամբ, լրագրողների և…
Իվան Նիկիտչուկ` վերևից, Նիկոլայ Արեֆև` ներքևից
Ռուսաստանի խորհրդարանի սահմանադրական օրենսդրության և պետականաշինության հարցերով հանձնաժողովը մերժել է նույնասեռականների դեմ օրինագիծը, ըստ որի պետք է պատժվեին…
Որևէ քրեական կամ այլ տիպի հետապնդում սեռական փոքրամասնությունների հանդեպ չպետք է գոյություն ունենա, ասել է Ռուսաստանի նախագահ Վլադիմիր Պուտինը` ամերիկյան «Սի Բի Էս» լրատվականին տված հարցազրույցում:
Նա դատապարտել է ԱՄՆ չորս նահանգներում (Տեխաս, Մոնտանա, Օկլահոմա, Կանզաս, խմբ.) ոչ ավանդական սեռական կողմնորոշումն արգելող օրենքները և դրսի ուժերին մեղադրել` Ռուսաստանում նույնասեռականների խնդիրները քաղաքական նպատակներով դիտավորյալ չափազանցնելու համար.
«Սեռական փոքրամասնությունները մեզ մոտ աշխատում են, ապրում են խաղաղության մեջ, նրանք առաջ են գնում, պետական պարգևներ են ստանում իրենց հաջողությունների համար` գիտության, արվեստի և այլ որոլրտներում: Ես անձամբ եմ նրանց մեդալներ հանձնել», - ասել է Պուտինը` արդարանալով, որ խոսքը միայն երեխաների շրջանում նույնասեռականների պրոպագանդայի արգելքն է, որն ըստ նրա հակաժողովրդավարական չէ.
«Մենք պետք է երեխաներին հանգիստ թողնենք, մեծանալու հնարավորություն տանք, օգնենք հասկանալու, թե ով են իրենք ու ինքնուրույն որոշեն` իրենք իրենց արական, թե իգական սեռի են համարում, ուզում են ապրել նորմալ, բնական ամուսնության մեջ, թե ոչ ավանդական», - բացատրել է Պուտինը նույնասեռականների պրոպագանդան երեխաների շրջանում արգելող օրենքի առկայության պատճառը:
Նա վստահեցրել է, որ Ռուսաստանում ոչ միայն ճանաչում են սեռական փոքրամասնությունների իրավունքներն, այլև ապահովում են դրանք:
«ԻԼԳԱ Եվրոպայի 2014 թվականի «Ծիածան Եվրոպա» փաթեթը ցույց է տալիս, որ չնայած ԼԳԲՏԻ անձանց իրավունքներն թեև ձեռք են բերել մեծ տեսանելիություն ողջ Եվրոպայում, իրական օրենսդրական առումով, այնուամենայնիվ քաղաքական և սոցիալական փոփոխությունները զգալիորեն տարբերվում են մի երկրից մյուսը մեծ մասամբ կախված հասարակության կողմից ընդունված լինելու մակարդակից, քաղաքական առաջնորդությունից և քաղաքական կամքից, ինչպես նաև քաղաքացիական հասարակության ուժեղ լինելուց տվյալ երկրում»: - Գաբի Կալեխա, ԻԼԳԱ Եվրոպայի գործադիր խորհրդի համանախագահ:
Ամեն տարի մայիս ամսին ԻԼԳԱ Եվրոպան (լեսբուհի, գեյ, բիսեքսուալ, տրանս և ինտերսեքս անձանց Եվրոպական տարածաշրջանային ասոցացիա) թողարկում է իր «Ծիածան Եվրոպա» հրապարակումը` նշելու Հոմոֆոբիայի և տրանսֆոբիայի դեմ պայքարի միջազգային օրը:«Ծիածան Եվրոպա» քարտեզը և ցուցիչը միջոց է` ցույց տալու ԼԳԲՏԻ (լեսբուհի, գեյ, բիսեքսուալ, տրանս և ինտերսեքս) մարդկանց իրավունքների իրավիճակը եվրոպական երկրներում: Այն գնահատում է, թե ինչպիսին է ԼԳԲՏԻ մարդկանց համար կյանքը Եվրոպական յուրաքանչյուր երկրում` ընգրկելով խտրականության, ընտանիքի ճանաչման, ատելության կոչերի ու ատելության հիմքով հանցագործությունների, գենդերային ինքնության ընդունման, հավաքների, միավորումների և արտահայտման ազատության և ապաստանի մասին օրենքները:
«Ծիածան Եվրոպա» քարտեզն արտացոլում է եվրոպական 49 երկրների օրենսդրությունը և քաղաքականությունը, որոնք ունեն անմիջական ազդեցություն ԼԳԲՏԻ անձանց իրավունքների իրացման վրա: Քարտեզը ցույց է տալիս իրավիճակը յուրաքանչյուր երկրում և մատնանշում է միավորը 0-100% սանղակի վրա: Գունային սանդղակը ցույց է տալիս երկրները, որոնք ԼԳԲՏԻ անձանց իրավունքների օրենսդրական լիարժեք հարգանքին հասնելու ճանապարհին են (կանաչ) և որոնք դեռևս հետ են մնում (կարմիր):
Ամենաբարձր արժեքները գրանցվել են Միացյալ Թագավորությունում, Բելգիայում, Իսպանիայում, Նիդերլանդներում, որտեղ ընդհանուր միավորները տատանվում են 70-82%-ի սահմաններում: Եվրոպական 49 երկրներից 34-ում (ներառյալ Եվրոպական Միության անդամ 14 երկրներում) այդ ցուցանիշը 50%-ից ցածր է: Եվրոպական Միության համար ընդհանուր միավորը 32% է:
Հայստանը զբաղեցնում է 47-րդ տեղը, Հայսատանին հաջորդում են Ադրբեջանն ու Ռուսաստանը, որտեղ ԼԳԲՏԻ անձանց իրավունքների իրավիճակն ամենավատն է: Կովկասում իր բարձր միավորով առանձնանում է Վրաստանը` 26%:[:]