ԿՐԹԱԹՈՇԱԿԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՄԵՆՏՈՐԻ ՏԵԽՆԻԿԱԿԱՆ ԱՌԱՋԱԴՐԱՆՔ

Փինք իրավապաշտպան ՀԿ-ն փնտրում է արվեստագետ- ղեկավար (մենտոր)։

Ընդհանուր նկարագիր

Կոպենհագենի ճարտարապետական փառատոնի կողմից ֆինանսավորվող ծրագրի շրջանակներում Փինք իրավապաշտպան ՀԿ-ն փնտրում է որակավորված և փորձառու արվեստագետ-ղեկավար (մենտոր) մասնագետի, ով ԼԳԲՏ+ երիտասարդներին երկու ամիս տևողությամբ կրթաթոշակային ծրագրի (ֆելոուշիփ) ընթացքում կուղղորդի և կօգնի նրանց ստեղծելու կարճ տեսանյութեր իրենց հուզող թեմաների շուրջ, հնարավորություն տալով ինքնարտահայտվել ֆիլմարվեստի միջոցով։

Ծրագրի նպատակն է արվեստի միջոցով տարածել քաղաքային (ուրբանիզացված համայնքների) հիմնախնդիրների և սոցիալական, քաղաքական, բնապահպանական երևույթների հետ դրանց փոխկապակցվածության մասին գիտելիքները։ Միաժամանակ ծրագիրը խրախուսում է քննարկել ուրբանիզացիայի պատճառով առաջացող խտրականության, սեքսիզմի, հոմոֆոբոիայի, տրանսֆոբիայի և էկոլոգիական վնասները հասարակության շրջանում արվեստի միջոցով։

Դիմումներն ընդունվում են 2023թ․-ի նոյեմբերի 1-ից մինչև նոյեմբերի 20-ը։

Մենթորության հատուկ նպատակները՝

Ստեղծել մենթորության մեթոդաբանություն և իրականացման պլան երկամսյա ժամկետով և հաստատել այն ծրագրի թիմի հետ:
Տրամադրել աջակցություն, ուղղորդում և օժանդակել ԼԳԲՏ+ երիտասարդների խմբին (մոտավորապես 5 անձ)՝ նրանց տեսանկարահանման աշխատանքների ընթացքում:
Տեսաարտադրության վերաբերյալ սեմինարների և վորքշոփերի կազմակերպում և վարում, որոնք կներառեն սցենարի կազմման, նկարահանման տեխնիկաների, մոնտաժի և տեսապատմվածք ձևավորելու հմտությունների զարգացման թեմաները։
Կարիքի դեպքում տրամադրել տեխնիկական աջակցություն նկարահանումների, մոնտաժային աշխատանքների և տեսաարտադրության հետ կապված ցանկացած այլ գործողությունների շուրջ։
Խթանել ներառական և ապահով միջավայր կրթաթոշակային ծրագրրի բոլոր մասնակիցների համար՝ պահպանելով բազմազանության, արդարության, ազատ ինքնաարտահայտման և հզորացման սկզբունքները:
Տրամադրել հետադարձ կապ և առողջ ու կառուցողական քննադատություն մասնակիցներին՝ տեսանախագծերի վերաբերյալ և ծրագրային թիմին։
Կազմել կատարված աշխատանաի մասին հաշվետվություն և տրամադրել հաջողված վերջնական տեսանյութերի արտադրությունը հավաստող ապացույց և հաշվետվություն։

Մենթորի թեկնածուն պետք է համապատասխանի հետևյալ չափանիշներին՝

Առնվազն 5 տարվա համադրողի փորձառություն
Համապատասխան վիդեո սարքավորումների և ծրագրերի իմացություն:
Համապատասխան մենտորային մեթոդաբանության և պլանի կազմման ունակություն։
Հաշվետվություններ կազմելու ունակություն։
Հաղորդակցման և մենթորական հմտություններ, երիտասարդների հետ կապ հաստատելու և ոգեշնչելու համար։
Տարբեր երիտասարդների հետ աշխատելու ապացուցված փորձ, հատկապես արվեստային նախագծերի շրջանակներում։
Զգայունություն ԼԳԲՏ+ երիտասարդության եզակի փորձառությունների նկատմամբ: Ոչ խտրական մոտեցում։
Ներառական, ողջունելի և անվտանգ միջավայր ստեղծելու ունակություն։
Արվեստագիտական ոլորտի և համայնքի հետ սերտ կապեր ունենալը կդիտարկվի որպես առավելություն։

Ընտրությունը կկատարվի հետևյալ չափանիշներով․

Առաջարկվող աշխատանքային պլանը համապատասխանում է պահանջվող առաջադրանքին,
Անձի որակավորումը թույլ է տալիս իրականացնել առաջադրանքը,
Ֆինանսական լավագույն և ծախսարդյունավետ առաջարկ։

Գնահատման չափանիշներ

Առաջարկ ներկայացնելու համար անհրաժեշտ է մինչև 2023 թ․ նոյեմբերի 20-ը [email protected] էլ․ հասցեին ուղարկել առաջարկի փաթեթը, որը ներառում է՝

Աշխատանքային պլան,
Գնային առաջարկ,
Ներգրավված անձի որակավորումը հավաստող ինքնակենսագրականը։

Այլ պահանջներ

Մասնակցելով այս մրցույթին՝ թեկնածուները հստակորեն ընդունում են, որ գործելու են Փինքի վերահսկողության ներքո,
Հաղթող մասնակցի հետ պայմանագիրը կարգավորվելու է Հայաստանի օրենսդրությանը համապատասխան,
Պահանջվող ստանդարտներին առաջարկների չհամապատասխանելու դեպքում Փինքն իրավունք է վերապահում չեղարկել մրցույթը։